Ангилал: өгүүллэг

Элэг бүтэн айл гэрийн хойморт бойтогтой бурхан жаргалтай ханьсан , өчүүхэн ч чөлөө завгүй мөлхөж тоглоно. Зүрхэнд шингэсэн эгшиг инээд хурайлан хур шиг түүн дээр асгарна.

Бүүвэйнд аргамжлагдсан үрийн сэтгэлд хайр өндөлзөхөд , ээжийн хөхөнд сүү аяндаа ивэлнэ. Итгэл , хайр тэгширсэн амрагийн энгэрт инээд аялгуутай зэрэгцэн хүүхэд шиг баясана.

Ялдам, дөлгөөхөн харцанд эрхэлсэн гэгээн сэтгэл санаанд уяатай шүлэг шиг өнжинө. Яруухан хаврын цэцэгс шувуудтай нөхөрлөж, элбэг баян амьдралд өнгө нэмэх гэж үе үе зочилно.

Атаархал ч энэ гэрийн хаалгыг холуур тойрч , дэмий л тэнэнэ.

Бямбасүрэнгийн Бүжинлхам 2013 он