Ангилал: Шүлэг
Бодолдоо хураасан зовлонгоо бүсгүй та инээдээрээ үргээ
Бүгэж байсан гашуун дурсамжийг бүлээн дулаан нулимсаар түр
Сэтгэлээ чилээх гунигаа бүсгүй та инээдээрээ цочоо
Сэвтээж байсан бараан толбыг сэвгүй цайлган итгэлээр соль
Бүсгүй та инээдээр цалгиж бүхнийг умартаж сайхан инээ
Бүсгүй та инээдээр гэрэлтэж бүхнийг атаархтал сайхан мишээ
Инээж байгаа хүнд энэ дэлхий жаргалтай сайхан харагддаг юм
Инээж байгаа хүнд итгэл найдвар ойрхон гэгээн санагддаг юм
Гэрэлтэж баяссан бүсгүйн царайд бүдэрсэн гуниг хэрэггүй
Гэгээрч ухаарсан гэргийн хайранд гиюүрсэн уйтгар хэрэггүй
Инээж жаргасан хүүхдийн нүдэнд ч эндүүрсэн айдас ч хэрэггүй
Итгэж ханьссан хосын амьдралд хэсэгхэн зовлон ч хэрэггүй
2013 оны 7 дугаар сар 28 Бямбасүрэнгийн Бүжинлхам
