Ангилал: Онч мэргэн үг

1.    Та хүмүүст мөнгө төгрөг өгч чадахгүй бол зүгээр л итгэл урам хайрласан халуун дулаан үгийг харамгүй хайрла . Таны хайрласан сайхан үг тэдэнд мөнгөнөөс үнэтэй гэдгийг байнга санагтун.

2.    Та хүмүүст заавал таалагдах албагүй ээ. Таалагдах гэж хиймэл дүр эсгэснээс зүгээр өөрөөрөө л бай. Хэрээ тогосны нөмрөг нөмөрсөн ч хэн ч хэрээг танина шүү дээ.

3.    Хүн хүн чанараар дутаж амьдарснаас эд хөрөнгөөр дутаж амьдарсан нь дээр

4.    Энэ дэлхийд хамгийн ачтай хамгийн өгөөмөр буянтай хүн бидний ээж билээ . Ээжийгээ дурсаж хүндэлж хайрлаж явбал бидний үйлс , буян заяа дэлгэрч явдаг биш үү . Үрээ бүүвэйлж мууг бүхнийг аргадан зайлуулсан ээжийн бүүвэй хичнээн гайхамшигтай ,уяхан зөөлхөн, уран яруу, биширмээр , ухаармаар, уянгатай ,тансаг аялгуу билээ.